Şəffaf şir

Seramik şəffaf şir

Seramik şəffaf şir bisküvi üzərində şəffaf şüşəşəkilli səth əmələ gətirir və şiraltı boyamada istifadə olunur;

Seramik şəffaf şir natrium bor silikat frit əsasında hazırlanmışdır;

Şirənin 0063№-li ələkdən süzüldükdə qalıq 1%-in altındadır;

Şirin özülülüyü VZ-4 viskozimetrində 12-15 san təşkil edir;

Şirin işçi sıxlığı 1,35-1,40 q/sm3 təşkil etməlidir;

Şir bisküvi üzərinə çəkilməzdən öncə yaxşı qarışıdırılıb süzülməlidir;

Şir ağzı bağlı qabda saxlanılmalıdır;

Şəffaf şir çəkilməzdən öncə bisküvi hava şırnağı altında tozdan və çirkdən tam təmizlənməlidir;

Şir çəkilmiş məmulatlar sobaya qoyulmazdan əvvəl yaxşıca qurudulmalıdır;

Şirləmə prosesi daldırma, tökmə və ya pulverizasiya ilə həyata keçirilir;

Məmulatın hər hansı bir yerinin şirlənməsi nəzərdə tutulmursa, həmin sahə parafinin xüsusi tərkibli məhlulu ilə işlənə bilər;

Seramik şir 1040-1060⁰C-də bişirilmiş bisküvi üzərinə çəkilib 1040-1050⁰C-də bişirilir.  Bu temperatur sobanın ölçülərindən, müəyyən olunan bişmə rejimindən asılı olaraq dəyişə bilər və təcrübə yolu ilə təyin edilir.